Joriy yil 17-may kuni imzolangan Prezident farmoni bilan tibbiyot xodimlarining oyligi 10-15 foizgacha oshirilgan edi. Endi esa kecha, 20-maydagi maoshlarning 12 foizga oshishi haqidagi farmon soha xodimlariga ham tegishlimi degan savol paydo bo‘lmoqda.

Huquqshunos-bloger Xushnudbek Xudoyberdiyevning yozishicha, oylik maoshlar haqidagi ikkinchi farmon tibbiyotchilarga ham tegishli.

“Mazkur savol bilan murojaat qilib, sog‘liqni saqlash vaziri o‘rinbosari Otabek Fozilkarimovga murojaat qildim. Uning bergan tushuntirishiga ko‘ra, tibbiyot xodimlarining oyligi avval 2022-yil 17-maydagi Prezident farmoni asosida 10-15 foizga oshiriladi. So‘ngra kechagi farmon asosida yana 12 foizga oshiriladi.

Masalan, 3 mln so‘m ish haqi oladigan tibbiyot xodimining oyligi dastlab 15 foizga oshadi deylik, shunda 3 mln 450 ming so‘m bo‘ladi. Keyin bu summa yana 12 foiz oshadi va yakunda jami 3 mln 864 ming so‘m bo‘ladi”, – deb yozadi huquqshunos.

• Farmon
• Maosh
• Shifokor
• Tibbiyot