Bugun, 9-noyabr kuni Prezident Shavkat Mirziyoyev raisligida yurak qon-tomir va endokrin kasalliklarning oldini olish va ularni davolash tizimini takomillashtirishga bag‘ishlangan videoselektor yig‘ilishi bo‘lib o‘tmoqda.

Davlatimiz rahbari yig‘ilish kun tartibidagi masalalarning ahamiyatiga to‘xtalib, tibbiyot islohotlarning bosh mezoni bo‘lgan “Inson qadri uchun” tamoyilining asosiy bo‘g‘ini ekanligini ta’kidladi. 

–  Xalqimizning sog‘lig‘i, onalar va bolalar, nuroniylarning salomatligi hech narsa bilan o‘lchanmaydigan eng bebaho boyligimizdir.
Shuning uchun islohotlarimizning bosh mezoni bo‘lgan “Inson qadri uchun” tamoyilining muhim bo‘g‘inlaridan biri ham barcha uchun sifatli tibbiy xizmatlar olishga imkoniyat va shart-sharoitlar yaratishdan iborat.

Ochiq aytish kerak, tuman va shaharlarda ixtisoslashgan, yuqori texnologik tibbiy xizmatlar ko‘rsatish, shifokorlar malakasi bilan bog‘liq ko‘plab masalalar hali o‘z yechimini topgani yo‘q.

Islohotlarimizning kelgusi besh yillik dasturini ishlab chiqish jarayonida saylovoldi uchrashuvlari doirasida bunga yana bir bor guvoh bo‘ldik. 

Shu bois, saylovoldi dasturda tibbiyotni xalqimizni rozi qiladigan tizimga aylantirish bo‘yicha katta marralarni belgilab oldik, – dedi Shavkat Mirziyoyev.

• Prezident