Tojikiston Ombudsmani Umed Bobozoda Rossiya Ombudsmani Tatyana Moskalkovaga murojaat qilib, Rossiyada Tojikiston fuqarolarining huquqlari buzilayotgani haqida xabar berdi.

Bobozoda o‘z murojaatida Rossiyada mehnat muhojirlariga nisbatan qo‘pol munosabatda bo‘lish holatlari, jumladan “kaltaklash va haqorat qilish” holatlarini aytib o‘tgan.

Uning so‘zlariga ko‘ra, Tojikiston fuqarolari ko‘pincha Rossiyaga kirayotganda chegarada bir necha kun davomida “noto‘g‘ri sharoitda” ushlab turiladi.

U hamkasbidan respublika fuqarolarining Rossiyadagi huquqlariga rioya qilinishini va migrantlarga nisbatan noto‘g‘ri munosabat holatlari tekshirilishini talab qildi.

• Rossiya
• Tojikiston
• migrant