Tojikistonning “So‘g‘d” nimstansiyasi va O‘zbekistonning “Yangi Sirdaryo” nimstansiyasini bog‘lovchi 22 kilometr uzunlikdagi 500 kilovoltlik yangi elektr uzatish liniyasi quriladi. U Tojikistondagi Rog‘un gidroelektr stansiyasi elektr energiyasini uzatish sxemasining asosiy tarkibiy qismiga aylanadi.

Osiyo taraqqiyot banki Tojikiston elektr tarmoqlarini qo‘shni O‘zbekiston bilan o‘zaro bog‘lanish orqali Markaziy Osiyoning yagona energiya tizimiga qayta ulash loyihasi uchun 15 million dollar miqdorida qo‘shimcha grant mablag‘lari ajratilishini ma’qulladi.

Markaziy Osiyo energetika tizimi mamlakatlari, jumladan, Qozog‘iston, Qirg‘iziston, Tojikiston va O‘zbekiston o‘rtasida elektr energiyasi eksporti va importi bo‘yicha quvvatlarni oshirish, shuningdek, tarmoq nosozliklarining oldini olish uchun infratuzilmani mustahkamlashga xizmat qilishi kutilmoqda.

• Elektr energiyasi
• Tojikiston