Toliblar O‘zbekistondan avvalgi afg‘on hukumati qulaganida mamlakatdan chiqib ketgan aviatsiya texnikalarini qaytarishni so‘radi. OAV xabarlariga ko‘ra, O‘zbekistonda afg‘onlarning 46 ta harbiy vertolyot va samolyoti mavjud. Bu aviatsiya texnikalari avvalgi hukumat qulashi arafasida afg‘on uchuvchilari mamlakatdan qochib chiqqanda kelib qolgan.

Bundan tashqari, ikki kunlar ilgari Mi-17 va MD-530F vertolyotlari bilan toliblarning ilk harbiy havo kuchlari mashg‘ulotlari o‘tkazildi. Harbiy mashg‘ulotlar Tojikiston, O‘zbekiston va Turkmaniston chegaralariga yaqin hududda o‘tkazildi.

Global Firepower'ning ma’lumotlariga ko‘ra, 2021-yilning boshlarida afg‘on harbiy havo kuchlari 193 ta vertolyot va 77 ta samolyotga ega bo‘lgan.

• Afg‘oniston
• O‘zbekiston
• aviatsiya