Britaniya shahzodasi Garrining (To‘liq nomi - Henri Charlz Albert David - Qirol Charles va Malika Diananing kichik o‘gli) Afg‘onistonda xizmat qilayotgan vaqtida sodir etgan qotilliklari haqidagi ma’lumotlari sudga berilishi kerak, chunki ular insoniyatga qarshi jinoyatdir. Bu haqda kecha, 6-yanvar kuni Afg‘onistondagi hukmron “Tolibon” harakatining yuqori martabali vakili Suhayl Shahin ma’lum qildi.

Shohin Britaniyaning Sky News telekanaliga bergan intervyusida: “Ular [oʻlganlar] oʻz vatanlari uchun ozodlik uchun kurashuvchilar, siz esa bosqinchilar edingiz”, deydi.

Uning fikricha, shahzoda Garri “insoniyatga qarshi jinoyatlar bilan shug‘ullanuvchi sud”ning savollariga javob berishi kerak.

Avvalroq, Britaniya OAVlarida 10-yanvardan sotuvga chiqadigan shahzodaning Zaxira deb nomlangan avtobiografiyasidan parchalar chop etilgan edi. Ushbu kitobda shahzoda Garri, xususan, Afg‘onistonda 25 nafar Tolibon jangchisini o‘ldirganini, u yerda Apache vertolyotini boshqarganini yozgan. “Men uchun bu raqam [o‘ldirilgan] 25. Bu raqam meni g‘ururga to‘ldirmaydi, lekin meni bezovta ham qilmaydi”, deb yozadi u.

• Afg‘oniston
• Buyuk Britaniya
• Oliy sud
• Tolibon
• qirol