“Tolibon” oliy rahbari Haybatulloh Oxundzoda Afg‘oniston ayollarni ommaviy qamchilash va xiyonat uchun toshbo‘ron qilish usuliga qaytadi, dedi. Bu haqda “The Guardian” nashri xabar berdi.

“Biz ayollarni qamchilaymiz... xiyonat qilgani uchun xalq oldida toshbo‘ron qilamiz”, dedi u.

Oxundzoda buni ayollar huquqlarining buzilishi deb hisoblaydiganlarni “shaytonning xizmatkorlari” deb atadi.

U ayollarning ommaviy qamchilashga qaytishini G‘arb ta’siriga qarshi kurashning davomi sifatida izohladi.

Afg‘onistondagi inson huquqlarini kuzatuvchi tadqiqot guruhiga ko‘ra, birgina o‘tgan yilning o‘zida “Tolibon” tomonidan tayinlangan sudyalar 417 nafar shaxsni ommaviy kaltaklash va qatl etishga buyruq bergan. Shulardan 57 nafari ayollar edi.

• Afg‘oniston
• Ayollar
• Jazo
• Qaror
• Tolibon