Tolibonning rasmiy Tashqi ishlar vazirligi vakili Abdul Qahhor Balxiyning xabar berishicha, bu haqda harakat delegatsiyasi Amerika delegatsiyasi bilan Dohada o‘tgan muzokaralar chog‘ida ma’lum qilgan.

Unga ko‘ra, avvalo muzlatilgan Afg‘oniston aktivlari so‘zsiz "eritilishi" zarur. So‘ng Tolibon a’zolariga nisbatan sanksiyalarni olib tashlash va ularni qora ro‘yxatlardan chiqarish kerak. Va nihoyat, siyosiy ixtilofni gumanitar yordam ko‘rsatish masalalaridan ajratish lozim.

Tomonlar siyosat, iqtisod, sog‘liqni saqlash, ta’lim, xavfsizlik, gumanitar yordam va bank ishi kabi sohalar bo‘yicha muzokaralar olib borganlar.

AQSh delegatsiyasi rahbari – Afg‘oniston masalalari bo‘yicha AQSh maxsus vakili Tom Uest avvalroq afg‘on aktivlarining muzlatilishi Vashingtonning "qora niyati" emas, balki "qonuniy zarurat" ekanini aytgan edi.

• AQSh
• Afg‘oniston
• Toliblar