31°
Kechasi 18°
Ma’lumotlarga ko‘ra, “Tolibon” aloqa vaziri vazifasini bajaruvchi Najibulloh Haqqoniy Afg‘onistonda Facebook bloklanishini aytgan. Bu haqda “Sputnik Afg‘oniston” xabar berdi.
“Tolibon” rasmiysi vazirlik tomonidan mazkur ijtimoiy tarmoqni blokirovka qilish rejasini ishlab chiqish yakunlanganini aytdi. Qarorga afg‘on yoshlarining aksariyati o‘qimaganligi va rivojlanish o‘rniga ijtimoiy tarmoqlarda vaqt o‘tkazib, mamlakatga zarar yetkazayotgani sabab bo‘lgan, — deydi Najibulloh Haqqoniy.
Shuningdek, u sobiq hukumat davrida ham, aslida Afg‘onistonning katta qismi haqiqatda “Tolibon” tomonidan nazorat qilingani, telekommunikatsiya tarmoqlari operatorlari ularga o‘z obyektlari xavfsizligi uchun pul to‘laganini ta’kidladi.
Eslatib o‘tamiz, Afg‘onistonda TikTok ijtimoiy tarmog‘i va Player Unknown Battlegrounds (PUBG) onlayn kompyuter o‘yini allaqachon taqiqlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
