Tolibon mudofaa vaziri vazifasini bajarib kelayotgan Mulla Muhammad Yoqub O‘zbekiston va Tojikistondan harbiy texnikalarni qaytarishni talab qildi.

– Biz zaifmiz, lekin notavon emasmiz. O‘zbekiston va Tojikiston Toliblarning sabrini sinamay, afg‘on uchuvchilari olib qochgan samolyot va vertolyotlarni qaytarganlari ma’qul. Men sabr-toqatimizni sinab ko‘rmaslikka va bizni barcha mumkin bo‘lgan javob choralarini qo‘llashga majbur qilmaslikka chaqiraman”, – dedi Mulla Yoqub talabnomasining tafsilotlariga to‘xtalmasdan.

Eslatib o‘tamiz, 2021-yilning avgust oyida Ashraf G‘ani hokimiyati ag‘darilgach, o‘nlab uchuvchilar samolyot va vertolyotlar bilan O‘zbekiston va Tojikistonga qochishgan edi.

• Afg‘oniston
• Toliblar