Tolibon yetakchisi Hibatulloh Oxundzoda afg‘on rasmiylariga hukumat lavozimlariga yollagan qarindoshlarini ishdan bo‘shatishni buyurdi. Bu haqda BBC xabar berdi.

Oxundzoda farmonida aytilishicha, mansabdor shaxslar hukumat lavozimlariga tayinlangan o‘g‘illari yoki boshqa oila a’zolarini ishdan bo‘shatishlari va kelajakda qarindoshlarini ishga olishdan saqlanishlari kerak.

Tolibon 2021-yilda hokimiyatni qo‘lga kiritgach, ayrim yuqori martabali amaldorlarni ishdan bo‘shatgan, boshqalari esa qochib ketgan.

Pokistonda joylashgan Afg‘oniston Islomiy matbuotining xabar berishicha, farmon Tolibonning bir necha yuqori martabali amaldorlari o‘z o‘g‘illarini hukumatdagi lavozimlarga tayinlagani haqidagi mish-mishlar ortidan chiqqan.

Farmon surati shanba kuni Ma’muriy ishlar boshqarmasining Twitter’dagi sahifasiga joylashtirildi.

• Afg‘oniston