Tolibon hukumati 25 yoshli Zeynab Abdullahini otib halok etgan jangichisini hibsga oldi. Bu haqida “Al-jazira” telekanali xabar beradi.

Voqea 13-yanvar kunida Kobuldagi o‘tish-nazorat nuqtasida, Zeynab taksida boshqa ayollar va bolalar hamrohligida to‘ydan qaytayotganda sodir bo‘lgan.
Ushbu qotillik sabab poytaxtda toliblarga qarshi norozilik namoyishlar bo‘lib o‘tdi. 
Keyinroq toliblarning rasmiy vakili hazari ayolning otilishi “xatolik tufayli sodir bo‘lgan”ligini aytib chiqqan.

Toliblar ichki ishlar vazirligi marhuma oilasiga 600 ming afg‘oni (Qariyb 6 000 $)taklif qilgan. Hozirgi o‘lchovlarda bu Afg‘oniston uchun juda katta mablag‘ hisoblanadi (masalan, hukumat boshlig‘i maoshi 198 ming afg‘oni). 

Toliblar pushtun bo‘lmagan qavmlar vakillari va ayollar huquqlarini munatazam buzib kelayotgani, bunda shia mazhabiga e’tiqot qiladigan hazariylar ko‘proq jabr ko‘rishi aytiladi.

So‘nggi vaqtlarda toliblar o‘z saflaridagi boshqa millat vakillariga ham bosim o‘tkazilayapti deb xabarlar berilyapti. Masalan, Faryobda tolibonning o‘zbek komandiri Mahdum A’lam hibsga olinishi noroziliklar uyg‘otgan.

• Afg‘oniston
• Toliblar