Bugun, 21-dekabr kuni davlat tashrifi bilan Toshkentga kelgan Qozog‘iston Prezidenti Qosim Jomart To‘qayev O‘zbekiston Prezidenti Shavkat Mirziyoyev huzurida “Ko‘ksaroy” qarorgohining Faxriy mehmonlar xiyobonida daraxt ekdi. Bu haqda prezident saytida xabar berildi.

Qayd etilishicha, ushbu marosim O‘zbekiston-Qozog‘iston munosabatlarida yangi davr boshlanayotgani, mamlakatlar o‘rtasidagi strategik sheriklik va ittifoqchilikni qardosh xalqlarning farovonligi yo‘lida yanada mustahkamlashga qat’iy intilishning ifodasi bo‘lgan.

Qozog‘iston yetakchisining mamlakatga davlat tashrifi asosiy tadbirlari ertaga, 22-dekabr kuni bo‘lib o‘tadi.

Oliy darajadagi muzokaralar bo‘lib o‘tadi, ularning yakunida tarixiy ahamiyatga ega bitimlarning imzolanishi kutilmoqda. Birgalikda yirik investisiya loyihalarini boshlab berish va OAV vakillari uchun brifing o‘tkazish ko‘zda tutilgan.

• Faxriy
• Qosim-Jo‘mart To‘qayev
• daraxt