Qozog‘iston prezidenti Qosim-Jomart To‘qayev Majilisni (mamlakat parlamentining quyi palatasi) tarqatib yuborish va maslihatlar (viloyat parlamentlari) vakolatlarini muddatidan oldin tugatish to‘g‘risidagi farmonlarni imzoladi. Bu haqda davlat rahbari saytidagi xabarda aytiladi.

Qayd etilishicha, To‘qayev 2023-yilning 19-martiga parlament deputatlari uchun navbatdan tashqari saylovlarni belgilagan. Mintaqaviy parlamentlarga saylovlar Markaziy saylov komissiyasi tomonidan tayinlanadi.

Ta’kidlanoshicha, muddatidan oldin saylovlarda yangi tizim amal qiladi: deputatlarning 70 foizi partiya roʻyxati boʻyicha, 30 foizi bir mandatli okruglar boʻyicha saylanadi. Viloyatlar va respublika ahamiyatiga molik shaharlar parlamentlariga saylovlar aralash saylov tizimi bo‘yicha 50 dan 50 gacha nisbatda o‘tkaziladi. To‘qayev saylov oldidan siyosiy partiyalarni ro‘yxatga olish tartibi soddalashtirilganini, “barcha nomzodlarga qarshi” ovoz berish imkoniyati kiritilganini ta’kidladi.

Oʻzgartirishlar Qozogʻiston fuqarolari 2022-yilda oʻtkazilgan referendumda (rasmiy natijalarga koʻra) maʼqullagan konstitutsiyaviy islohotning bir qismidir. To‘qayev konstitutsiyaga kiritilgan tuzatishlarni sentyabr oyida imzolagan . Shundan so‘ng uning o‘zi 2022-yil noyabrida bo‘lib o‘tgan navbatdan tashqari prezidentlik saylovlarida – yangilangan Konstitutsiyaga muvofiq birinchi marta, bir yetti yillik muddatga qayta saylandi.

• Qosim-Jo‘mart To‘qayev
• Qozog‘iston