Jahon sogʻliqni saqlash tashkiloti hisobotiga koʻra, shu yil 13-fevraldan 12-martgacha Yer yuzida 4 milliondan ortiq kishida koronavirus infeksiyasi aniqlangan. Ulardan qariyb 28 ming nafari xastalik tufayli hayotdan koʻz yumgan.

Tahlillarning koʻrsatishicha, ushbu davrda dunyo boʻyicha undan avvalgi toʻrt haftaga nisbatan bemorlar soni 40 foiz, oʻlim holatlari esa 57 foizga kamaygan.

Eng koʻp kasallanish qayd etilgan davlatlar qatoridan AQSh (920 ming), Yaponiya (381 ming), Xitoy (370 ming) oʻrin olgan.

Shuningdek, AQSh (9 303 nafar), Yaponiya (2 598 nafar) va Buyuk Britaniyada (2 217 nafar) kasallik oqibatida eng koʻp bemorlar oʻlimi roʻyxatga olingan.

• COVID-19
• JSST
• koronavirus