Yevropa standartlari asosida avtobus haydovchilarining malakasi oshiriladi. Germaniyaning “Deutsche Bahn Academy” kompaniyasi mutaxassislari Toshkent shahri avtobus yo‘nalishlarida xizmat ko‘rsatayotgan haydovchilar faoliyati yuzasidan o‘rganish ishlarini olib borishmoqda. Bu haqda “Toshshahartransxizmat” matbuot xizmati xabar berdi.

“Germaniyalik mutaxassislar ishtirokida avtobus saroylarida Harakat xavfsizligini nazorat qilish bo‘limi xodimlari uchun o‘quv-seminari tashkil etildi. O‘quv-seminarida avtobus haydovchilari tomonidan kunlik faoliyati davomida yo‘l qo‘yilayotgan kamchiliklar va ularni bartaraf etishda harakat xavfsizligiga mas’ul xodimlarning vazifalari yuzasidan tushunchalar berildi”, – deyiladi xabarda.

Hozirda “Deutsche Bahn Academy” mutaxassislari ishtirokida 4 ming nafar avtobus haydovchilari malakasini Yevropa standartlari asosida oshirish ishlari boshlangan.

• Avtobus
• Haydovchi