The Economist nashri 2021-yil uchun 173 shahardagi yashash qiymati bo‘yicha reytingini berdi. Mazkur reyting 30 yil mobaynida har yili berib boriladi.

Tahlilchilar 200 nomdagi muhsulot va xizmat narxlarini taqqosladilar, barcha shaharlar esa Nyu-York bilan solishtirilgan.

Tel-Aviv yashash qiymati bo‘yicha eng qimmat shaharlar reytingida birinchilikni oldi. Isroil shahri davlat milliy valyutasi bo‘lmish shekel kursining ko‘tarilishi, oziq-ovqat, alkogol hamda transport narx-navosining oshishi tufayli reytingda boshchilik qilmoqda. Undan keyingi o‘rinni Parij va Singapur egallagan. Uchinchi o‘rin – Syurix.

Analitiklarning qayd etishicha, qonuniyatga ko‘ra, hayot qulay va xavfsiz shaharlarda yashash qiymati ham baland. Va aksincha, yetarli imkoniyatlar yaratilmagan, yoki siyosiy va iqtisodiy muammolar kuzatiladigan shaharlarda yashash qiymati ancha arzon bo‘ladi.

Dunyoning eng arzon shaharlari reytingi quyidagicha:
- Damashq (Suriya)
- Tripoli (Liviya)
- Toshkent (O‘zbekiston)

• Toshkent
• reyting