Bugun, 11-yanvar Toshkent metropoliteniga yana yangi to‘rt vagonli 3 ta zamonaviy metro poyezdlari olib kelindi. Bu haqda metropoliten matbuot xizmati xabar berdi.

“Yo‘nalishlardagi vaqt intervallarini yanada qisqartirish maqsadida, ushbu poyezdlar belgilangan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi”, – deyilgan xabarda.

Shuningdek, 2025-yil yanvar-fevral oylarida yana 6 ta metro poyezdi olib kelinishi rejalashtirilgan. Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan.

• Metro
• Poyezd
• Toshkent