Ijtimoiy tarmoqlarda “Kosmonavtlar metro bekatida poyezd vagoni yongani aytilmoqda” sarlavhasi ostida xabar va ularga ilova qilingan suratlar tarqaldi.

 FVV mazkur holat yuzasidan rasmiy maʼlumot berib, xavotirga o‘rin yo‘qligini maʼlum qilmoqda. Vazirlikka ko‘ra, tarkibning 3-vagonida texnik nosozlik tufayli tutun paydo bo‘lgan.

Xabarda ayytilishicha, bugun, 23-dekbar kuni soat 12:15da “Kosmonavtlar” metro bekati ichida harakatlanib ketayotgan 4 ta vagondan iborat tarkib(sostav)ning 3-vagonida texnik sabablarga ko‘ra (saqlagich (predoxranitel) kuyganligi yoki tormoz kolodkasi siqib qolganligi taxmin qilinmoqda) tutun hosil bo‘lgan.

Voqea joyida hech qanday yong‘in sodir bo‘lmagan. Nosoz vagon – taʼmirlash uchun DEPOga yuborilgan.

Fuqarolar esa xavfsiz joyga evakuatsiya qilingan, hodisa oqibatida jabrlangan va halok bo‘lganlar yo‘q.

Voqea joyiga shahar hamda tuman FVB rahbar xodimlari va 2 ta yong‘in-qutqaruv ekipajlari jalb etilgan.

Hozirda vaziyat oqibatlari bartaraf etilgan, metro odatiy ish rejimida ishlayotganiligi maʼlum qilindi.

• Metro
• Toshkent