Prezident Shavkat Mirziyoyev raisligida turizmni yanada rivojlantirish bo‘yicha ustuvor masalalar yuzasidan videoselektor yig‘ilishi bo‘lib o‘tdi. Videoselektorda poytaxtda qurilgan hamda yiliga 4 milliondan ziyod odam tashrif buyurayotgan  “Tashkent city”, “Tashkent mall”, “Magic city” kabi turizm maskanlari barpo etilgani e’tirof etildi.  Bu maskanlarga tashrif buyurayotganlarning 35 foizidan ko‘pi xorijiy turistlar hisoblanadi.

Shunday bo‘lsada, poytaxt hokimligi o‘z tashabbusi bilan yangi takliflar bilan chiqmayotgani tanqid qilindi.

Shu bois Toshkent shahri hokimining turizm masalalari bo‘yicha o‘rinbosari F.Davrukov o‘z lavozimidan ozod etildi. Bosh vazirga turizm bo‘yicha har bir hokim o‘rinbosari ishiga baho berish topshirildi. Bundan tashqari, turistlar uchun “magnit” bo‘ladigan birorta zamonaviy akvapark yo‘qligi qayd etildi. Tabiiy ko‘llar atrofidagi turizm imkoniyatlari ishga solinmayotgani ham alohida ta’kidlab o‘tildi.

Shuningdek, mutasaddilarga akvapark va basseynlar tashkil etish bo‘yicha loyihalarni ko‘paytirish, ko‘llar bo‘yicha master reja ishlab chiqib, atrofini lotlarga bo‘lib, tadbirkorlarga taklif etish topshirildi.

• Shavkat Mirziyoyev
• Videoselektor