Joriy yil 1-yanvar tungi soat 00:45larda Shayxontohur tumani “Qoratosh” ko‘chasi avtoqatnov yo‘lida bir nechta fuqarolar bayram bahonasi bilan yig‘ilib, avtoyo‘lni ajratib turuvchi to‘siqqa mushakbozlik qilish maqsadida qo‘lbola usulda yasalgan “o‘t o‘chirish” moslamasini joylashtirib, tagidan olov yoqishi oqibatida moslama portlab bo‘laklarga bo‘linib ketgan edi. 

Natijada 3 nafar fuqaro turli darajada jarohati olgan. 

Toshkent shahar IIBB holat yuzasidan qo‘shimcha ma’lumot berdi. Unga ko‘ra, Shayxontohur tumani IIO FMB Tergov bo‘limi tomonidan olib borilgan surishtiruv-tergov ishlari natijasida yuqoridagi tartibsizlikni keltirib chiqarishda gumonlanib 4 nafar fuqaro qo‘lga olingan.

Ma’lum qilinishicha, fuqarolar I.A., U.M., A.L., Z.X.larga nisbatan Jinoyat kodeksining 250-moddasi (“Portlash xavfi bo‘lgan moddalar yoki pirotexnika buyumlaridan foydalanish qoidalarini buzish”) alomatlari bilan jinoyat ishi qo‘zg‘atilgan, tergov davom etmoqda. 

• IIBB
• IIV
• Toshkent