Toshkent shahar hokimligi matbuot xizmatining xabariga ko‘ra, 2022-yilning 22-may kuni Toshkentda “Uzexpocenter” va “Intercontinental” ko‘rgazmalar majmuasining hududida triatlon bo‘yicha O‘zbekiston ochiq chempionati bo‘lib o‘tadi.

Shu sababli, 22-may kuni soat 06:00 dan 13:00 gacha quyidagi yo‘nalishli yo‘l qismlari yopiladi:

Kichik xalqa avtomobil yo‘li – Bo‘zsuv ko‘prigidan (mo‘ljal: Minor masjidi va Malika) Chingiz Aytmatov ko‘chasi bilan kesishmagacha;

Sharof Rashidov shoh ko‘chasi – Xalqaro biznes markazidan Osiyo ko‘chasi bilan kesishmagacha.

Tirbandliklar yuzaga kelishini oldini olish maqsadida haydovchilarga aylanma yo‘llardan foydalanish tavsiya etiladi.

• Toshkent