Bosh prokuratura huzuridagi Departamentning Yangiyo‘l tumani bo‘limi tomonidan o‘tkazilgan tergovga qadar tekshiruvda fuqaro K.Sh. “Samarqand” MFY hududidagi umumiy ovqatlanish shoxobchasida tijorat maqsadida umumiy foydalanishdagi elektr tarmog‘iga to‘g‘ridan to‘g‘ri ulanib, 433,5 mln so‘mlik elektr energiyasidan noqonuniy foydalanganligi aniqlangan. Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.

Shu kabi, Departamentning Yangi Namangan tumani bo‘limi tomonidan o‘tkazilgan tergovga qadar tekshiruvlarda “N.K.” MCHJ mas’ul shaxslari MCHJga tegishli issiqxonada tijorat maqsadida umumiy foydalanishdagi elektr tarmog‘iga to‘g‘ridan to‘g‘ri ulanib, 186,6 mln so‘mlik, YATT “X.R.” (muqaddam sudlangan) va fuqaro Sh.R. “Oromgoh” MFY hududidagi nonvoyxonada tabiiy gaz tarmog‘iga o‘zboshimchalik bilan ulanib 148,3 mln so‘mlik energiya resurslaridan noqonuniy foydalanganliklari aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlar o‘tkazilmoqda.

• Bosh prokuratura
• O‘zbekiston