Ijtimoiy tarmoqlarda Toshkent viloyati IIBB YHXBga qarashli Malibu xizmat mashinasining 6 mln 612 ming so‘mlik jarimalari aks etgan suratlar tarqaldi.

Viloyat IIBB Matbuot xizmati xabariga ko‘ra, mazkur holat bo‘yicha tasdig‘ini topgan jarimalari qoplangan, boshqalari esa qonunda belgilangan tartibda tugatilgan.

Qayd etilishicha, davlat raqam belgisi 01 010 VSG bo‘lgan xizmat transport vositasi haydovchisi sodir etgan qoidabuzarlik bo‘yicha belgilangan jarimalar yuzasidan olib borilga o‘rganishda ularning 2 tasi o‘z tasdig‘ini topgan va shu vaqtning o‘zida belgilangan jarima qarzdorligi qoplangan.

Qolgan 9 ta holatda esa Vazirlar Mahkamasining 2015-yil 24-dekabrdagi 370-sonli qarori bilan belgilab berilgan “Yo‘l harakati qoidalari”ning 25-bandi asosida yo‘l harakati xavfsizligini ta’minlagan holda kechiktirib bo‘lmaydigan xizmat vazifalarini bajarayotib sodir etilganligi ma’lum bo‘lgan.

“Mazkur ma’muriy ishlar O‘zbekiston Respublikasi MJtKning 17-1-moddasi tartibida, ushbu kodeksning 271-moddasiga muvofiq bekor qilindi”, – deyiladi viloyat IIBB munosabatida.

• IIBB
• Toshkent
• YHXBB