14-yanvar kuni Toshkent viloyatining Qibray tumanida joylashgan, quvvati 240 megavolt bo‘lgan bug‘-gaz elektr stansiyasi O‘zbekistonning yagona elektr tarmog‘iga quvvat uzatishni boshladi. Bu haqida Energetika vazirligi matbuot xizmati xabar berdi.

Ma’lum qilinishicha, ushbu issiqlik elektr stansiyasi yiliga 2 milliard kilovatt-soat elektr energiyasi ishlab chiqaradi.

Qurilmalarning foydali ish koefisiyenti yuqoriligi hisobiga, yiliga 290 million metr kub tabiiy gaz tejaladi. Shuningdek, tejalgan tabiiy gaz hisobiga qo‘shimcha 1 milliard kilovatt-soat elektr energiyasi ishlab chiqarish imkoni yaratiladi.

Ta’kidlash joizki, umumiy qiymati 150 million dollarga teng bo‘lgan mazkur loyiha Turkiyaning “Aksa Enerji” kompaniyasi tomonidan to‘g‘ridan-to‘g‘ri investitsiyalar hisobiga amalga oshirilgan.

• IES
• Toshkent