Toshkent viloyatida olib borilgan  tekshirish tadbirlari 6 526 nafar fuqaro vaksina olmaganligi aniqlandi. Bu haqda Sanitariya-epidemiologik osoyishtalik va jamoat salomatligi xizmati ma’lum qildi.

Toshkent viloyati Sanitariya-epidemiologik osoyishtalik va jamoat salomatligi boshqarmasi xabariga ko‘ra, ulardan 1 402 nafari tadbirkorlik subyektlari va 5 035 nafari byudjet tashkilotlarida mehnat faoliyatini olib borayotgan fuqarolar bo‘lgan.

Ma’lum qilinishicha, ushbu fuqarolarga nisbatan qonunchilikda belgilangan talablarga amal qilmaganligi uchun qonuniy choralar ko‘rildi. Bunday holatlar viloyatda jami 3 608 tani tashkil etib, ulardan 3 229 nafar xodim vaqtincha ishdan chetlashtirilgan, 374 nafari tegishli tartibda jarimaga tortilgan, 5tasi esa faoliyati to‘xtatilgan obyektlardir.

Ma’lumot uchun, amaldagi Mehnat kodeksining 113-moddasida karantinli va odam uchun xavfli bo‘lgan boshqa yuqumli kasalliklar tarqalishi tahdidi mavjud bo‘lganda Bosh davlat sanitariya vrachining qarori asosida qonunchilikda belgilangan tartibda joriy etiladigan profilaktik emlashdan o‘tishni rad etgan taqdirda xodim ishdan chetlashtirilishi mumkin.

• Vaksina
• koronavirus