Toshkent viloyatida poytaxtdagi ekologik vaziyatni yomonlashtiradigan issiqxonalar tekshirila boshlandi. Bu haqda Ekologiya vazirligi xabar bermoqda.

Ma’lumotlarga ko‘ra, tunda 39 ta issiqxona tekshirilgan. Xususan, Toshkent tumanida 13 ta, Qibray tumanida 10 ta, Zangiota tumanida 16 ta issiqxona tekshirildi. Tekshiruvlar natijasida shinalarni yoqilg‘i sifatida ishlatgan 8 ta issiqxonani aniqlandi. Qonunbuzarlar Respublika qonunchiligiga muvofiq jarimaga tortildi.

Ta’kidlash joizki, Toshkentda uzoq vaqt davomida ekologiya bilan bog‘liq og‘ir vaziyat yuzaga kelgan. Toshkent shahri ko‘pincha dunyoning yirik shaharlari orasida havoning ifloslanishi bo‘yicha yetakchi o‘rinlardan birini egallamoqda.

• Ekologiya
• O‘zbekiston
• Toshkent viloyati