31°
Kechasi 18°
Monopoliyaga qarshi kurashish qo‘mitasining Toshkent viloyati hududiy boshqarmasiga joriy yil 21-sentyabr kuni “Chinoz yo‘lindustriya” MCHJ tomonidan murojaat kelib tushgan. Unda elektr energiyasidan foydalanish jarayonida transformator va elektr tarmoqlarida yo‘qotishlarni hisoblashda texnik xatolikka yo‘l qo‘yilgani oqibatida tadbirkorga 2020-yildan 2022-yil sentyabr oyiga qadar jami 200 million 181 ming 600 so‘m ortiqcha qarzdorlik hisoblangan hamda ushbu qarzdorlik o‘z vaqtida to‘lanmagani uchun 89 million 617 ming 88,7 so‘m qo‘shimcha penya hisoblangani ko‘rsatib o‘tilgan.
Murojaatda ko‘rsatilgan noroziliklar yuzasidan hududiy boshqarma tomonidan “O‘zenergoinspeksiya” Toshkent viloyati hududiy bo‘limiga hamda “Toshkent hududiy elektr tarmoqlari” AJga 2022-yil 28-sentyabr kuni xat yuborilgan bo‘lib, murojaatda keltirilgan holatlar qayta ko‘rib chiqilishi va tegishli hujjatlar hududiy boshqarmaga taqdim etilishi so‘ralgan.
Murojaatdagi holat Monopoliyaga qarshi kurashish qo‘mitasining Toshkent viloyati hududiy boshqarmasi va “O‘zenergoinspeksiya” Toshkent viloyati hududiy bo‘limi bilan birgalikda o‘rganilganda tomonlar o‘rtasida imzolangan shartnomada elektr enegiyasidan foydalanishda iste’molchining barcha xuquq majburiyatlari ko‘rsatilgan. Biroq elektr energiyasidan foydalanish jarayonida transformator va elektr tarmoqlarida yo‘qotishlarni hisoblashda texnik xatolikka yo‘l qo‘yilganligi oqibatida tadbirkorga jami 200 million 181 ming 600 so‘m ortiqcha qarzdorlik hisoblangan hamda ushbu qarzdorlik o‘z vaqtida to‘lanmaganligi uchun 89 million 617 ming 88 so‘m qo‘shimcha penya hisoblangani ma’lum bo‘lgan.
“Toshkent hududiy elektr tarmoqlari” AJ tomonidan “Chinoz yo‘lindustriya” MCHJga asossiz hisoblangan qariyb 300 million so‘m qarzdorlik hisobdan chiqarilgan.
“Joriy yil sentyabr oyida Monopoliyaga qarshi kurashish qo‘mitasining Toshkent viloyati hududiy boshqarmasiga Qibray tumanidagi tadbirkor murojaat qilib, unga elektr energiyasidan asossiz hisoblangan jami 114 million 167 ming 880 so‘m qarzdorlik hisoblanganligini ma’lum qilgan. Natijada “Toshkent hududiy elektr tarmoqlari” AJga nisbatan ish qo‘zg‘atilgan va asossiz qarzdorlik hisobdan chiqarilgan edi”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
