Toshkent viloyati Oqqo‘rg‘on tumanida er-xotin is gazidan zaharlanib vafot etdi. Mazkur holatni o‘rganish uchun tuman hokimining “Oqqo‘rg‘on tumanida baxtsiz hodisa sabablarini tekshirish va oqibatlarini bartaraf etish chora-tadbirlari to‘g‘risida”gi qarori chiqqan.

Ma’lum bo‘lishicha, joriy yilning 26-noyabr kuni Oqqo‘rg‘on tumani, “Sultonobod” MFY, Sultonobod ko‘chasi 21-uy, fuqaro Sh.Dadaboyev nomida bo‘lgan xonadonida yashovchi marhum o‘g‘li D.Sh.Abduxakimov va marhum kelini S.I.Abduxakimovalar xonadonda jami 2 nafar fuqarolarning vafot etishi bilan bog‘liq baxtsiz hodisa sodir bo‘lgan.

Tuman hokimi qarori bilan hududda baxtsiz hodisa sodir bo‘lganda uning sabablarini tekshirish bo‘yicha dastlabki zarur choralarni ko‘rish, baxtsiz hodisa sabablarini tekshirish, shunga o‘xshash baxtsiz hodisalarni oldini olish bo‘yicha tuman komissiyasi tarkibi tasdiqlandi.    

• Is gazi
• Toshkent