Toshkent viloyati hokimi Zoir Mirzayev Nurafshon shahar hududida “Yangi O‘zbekiston bog‘i” qurilishi uchun yer maydoni ajratish to‘g‘risidagi qarorni imzoladi.

Ushbu  qarorga ko‘ra, Toshkent viloyati Nurafshon shahar Yangiobod MFY “Nurafshon biznes sity” hududidagi 22,28 gektar yer maydoni “Yangi O‘zbekiston bog‘i” qurilishi uchun bosh rejaga asosan Toshkent viloyati hokimligi huzuridagi “Biznes markazlarni qurish direksiyasi” Davlat unitar korxonasiga doimiy foydalanish huquqi bilan ajratib beriladi.

— Buyurtmachi Toshkent viloyati hokimligi huzuridagi “Biznes markazlarni qurish direksiyasi” Davlat unitar korxonasi (S.Kadirov)ga:

— Davlat xizmatlari markazi orqali arxitektura rejalashtirish topshirig‘i ishlab chiqish uchun buyurtmalar berilsin, hamda loyiha-smeta hujjatlari tayyorlash uchun litsenziyaga ega loyiha tashkiloti bilan o‘rnatilgan tartibda shartnoma tuzadi;

— Loyihalash uchun yer osti muxandislik inshootlarining ijro surati tushirilgan 1:500 nisbatdagi topografik xarita va geologik xulosa ishlab chiqish uchun litsenziyaga ega korxonasiga buyurtma beradi;

— Davlat arxitektura va qurilish nazorati inspeksiyasiga xabarnoma yuboradi;

Shuningdek, mazkur hududda joylashgan muxandislik tarmoqlarini ko‘chirish yoki muxofaza hududini saqlab qolish ishlari o‘z mablag‘lari hisobidan amalga oshirilishi inobatga olish vazifalari yuklatilgan.

“Viloyat qurilish bosh boshqarmasi (E.Po‘latov)ga qurilish loyiha hujjatarini belgilangan tartibda rasmiylashtirilishiga amaliy yordam berish vazifasi yuklatilsin. Mazkur qarorning bajarilishini nazorat qilish esa, viloyat hokimining o‘rinbosari Sh.Mahmudov zimmasiga yuklansin”– deyiladi qaror matnida.

• Toshkent viloyati
• Yangi O‘zbekiston
• Zoir Mirzayev