Toshkent viloyatining Chirchiq shahri va Toshkent tumanlarida olib borilgan o‘rganishlar natijasida 2ta avtomobillarga gaz to‘ldirish kompressor shoxobchalarida katta miqdordagi tabiiy gaz o‘g‘riligi fosh qilindi.

Joriy yilning 17-noyabr kuni Energetika vazirligi shtabi tomonidan Toshkent viloyatining Chirchiq shahrida joylashgan “Shirina Petrol” MChJ va Toshkent tumanida joylashgan “Clean Gas Service” MChJlarga qarashli avtomobillarga gaz to‘ldirish kompressor shoxobchalarida tabiiy gazdan foydalanish qoidalariga rioya etilishi yuzasidan olib borilgan tekshirishlar natijasida jami 1 mln 635 ming kub metr yoki bugungi kunda 5 mingta aholi xonadonlarining 20 kunlik iste’moliga yetarali miqdordagi tabiiy gazdan noqonuiy foydalanilganligi aniqlandi.

Xususan, tekshirish davomida “Shirina Petrol” MChJ tomonidan elektron gaz hisoblash uskunasiga tashqi ta’sir ko‘rsatish imkoni bo‘lganligi va o‘tkazilgan eksperement davomida konfigurasiya sozlamasi texnologik yo‘riqnomalar talabiga mos emasligi sababli qayta hisob-kitob qilinishi natijasida 1 mlrd 274 mln 700 ming so‘m zarar yetkazilganligi aniqlangan.

Shuningdek, “Clean Gas Service” MChJ tomonidan shartnoma hujjatlaridan tashqari 1 dona kompressor uskuna ortiqcha o‘rnatilganligi sababli amalga oshirilgan qayta hisob-kitob natijasida 360,5 mln so‘m zarar yetkazilganligi aniqlangan.

Yuqoridagilardan kelib chiqib, o‘tkazilgan tekshirish hujjatlar qonun doirasida chora kurilishi uchun huquqni muhofaza qilish organlariga yuborilgan.

• Energetika_vazirligi