Ijtimoiy tarmoqda Toshkent viloyati Yuqori Chirchiq tumanidagi 23-maktab rahbariyati o‘quvchilarni majburiy mehnatga jalb qilayotgani haqidagi videolavha tarqaldi. 

Holat bo‘yicha Toshkent viloyati Bandlik bosh boshqarmasi Davlat mehnat inspeksiyasi tomonidan o‘rganish o‘tkazildi.  

Olib borilgan o‘rganishlar natijasida o‘quvchilar sinf rahbari tomonidan haqiqatan ham 2021-yilning 15-noyabr kuni dars vaqtida maktab hovlisida va maktabning tashqari hududida majburiy tarzda ishlatilganligi aniqlangan. Shuningdek, bu kabi holat ko‘p marotaba takrorlanib kelayotganligi o‘z tasdig‘ini topgan. 

Toshkent viloyati Bandlik bosh boshqarmasi Davlat mehnat inspeksiyasi tomonidan Voyaga yetmaganlarning mehnatidan ma’muriy tarzda majburlash yo‘li bilan foydalanganligi yuzasidan dalolatnoma rasmiylashtirilib, O‘zbekiston Respublikasi Jinoyat kodeksining 148-2-moddasiga asosan qonuniy chora ko‘rishlik uchun, Toshkent viloyati prokuraturasiga yuborildi.

• Majburiy_mehnat
• Toshkent