17-aprel kuni Toshkent viloyati hokimi Zoyir Mirzayev aholi punktlaridan tashqaridagi 37 ta uchastkada avtotransport tezligini soatiga 100 km dan 80 km gacha cheklash to‘g‘risida qaror qabul qildi.

Viloyat avtomobil yo‘llari bosh boshqarmasiga 5 kun ichida yangi cheklov qo‘llaniladigan umumiy foydalanishdagi uchastkalarda 3.24 “maksimal tezlik chegarasi” yo‘l belgilarini o‘rnatish topshirildi.

Ushbu chora yo‘l-transport hodisalarining oldini olish va turar-joy zonalaridan tashqarida transport vositalarining tezligini kamaytirishga qaratilgan.

• O‘zbekiston
• Toshkent viloyati