Toshkent viloyatida kuchli ta’sir qiluvchi dori vositalarining muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish Departamentining matbuot xizmati xabar berdi.

Qayd etilishicha, Bosh prokuratura huzuridagi Departament hamda IIBning Olmaliq shahar bo‘limlari tomonidan o‘tkazilgan tezkor tadbirda, fuqaro J.X. 4 dona “Gerika”, 1 dona “Tropikamid” va 1 dona “Selofen” nomli kuchli ta’sir qiluvchi dori vositalarini fuqaro M.Jga 400 ming so‘mga sotgan vaqtida ushlanib, uning xonadonidan 140 dona “Selofen”, 99 dona “Tropikamid” va 43 dona “Gerika” nomli dori vositalari ashyoviy dalil sifatida olingan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.

• Departament
• Dori
• Giyohvandlik