Joriy yilning 3-yanvar kuni Toshkent viloyati O‘rtachirchiq tumani hududidan o‘tuvchi “To‘ytepa-Ozodlik” yo‘nalishidagi poyezd yo‘lida o‘lim bilan bog‘liq hodisa sodir bo‘ldi.

Transport va turizm ob’yektlarida xavfsizlikni ta’minlash departamenti bergan xabarga ko‘ra, mazkur tumanning Boyovul mahallasida yashagan N.A. ismli fuqaro temir yo‘l izi atrofida qulog‘ida quloqchin taqib chorva mollarini boqib yurgan vaqtida “To‘ytepa-Ozodlik” yo‘nalishidan kelayotgan yuk poyezdi urib yuborgan.

Hodisa oqibatida N.A. voqea joyida vafot etgan.

Shu yilning 6-yanvar kuni ushbu mahallada baxtsiz hodisa muhokamasi bo‘lib o‘tdi. Yig‘ilishda fuqarolarga temir yo‘l atroflarida quloqchinlardan foydalanmaslik, yo‘lovchi va yuk poyezdlarining xavfsiz harakatlanishini taьminlash maqsadida temir yo‘l izining belgilanmagan joylaridan kesib o‘tmaslik, yo‘lovchi poyezd oynalariga tosh va boshqa begona jismlarni otmaslik, temir yo‘l atrofida mol boqmaslik, temir yo‘l izlariga begona jismlarni qo‘ymaslik, shuningdek, bunday qoidabuzarliklar uchun amaldagi qonunchilikka asosan jarimalar belgilanganligi haqida tushuntirilgan.

• Poyezd
• Toshkent
• YTH