Toshkent viloyati hokimi Davron Hidoyatov Nurafshon shahrida Zulfiya Zakirova nomiga haykal majmuasi va zamonaviy kutubxona binosini qurishga mahalliy byudjetining orttirib bajarilgan qismidan mablag‘ ajratish to‘g‘risidagi qarorni imzoladi.

Qayd etilishicha, viloyat markazida olib boriladigan mazkur qurilish ishlari uchun jami 34,4 milliard so‘m, jumladan:
–  Nurafshon shahrida Zulfiya Zakirova nomiga haykal majmuasini qurish va atrofini obodonlashtirish ishlari uchun 28,4 mlrd. so‘m;
–  “Nurafshon Business City” hududida zamonaviy kutubxona binosining qurilishi uchun 6 mlrd so‘m mablag‘ ajratiladi.

Haykal va kutubxona qurilishiga viloyat hokimligi huzuridagi “Toshkent viloyatida biznes markazlarini qurish direksiyasi” davlat unitar korxonasi (Sarvar Kadirov) mas’ul etib tayinlangan.

• Bilasizmi?
• hokim