Toshkent metropoliteni “Yerusti halqa yo‘li”  yo‘nalishining II bosqichini foydalanishga topshirish ishlari doirasida 2023-yil 3-5-noyabr kunlari, 3 kun muddatga, “Tolariq” (10-bekat), “Xonobod” (11-bekat) va “Quruvchilar” (12-bekat) bekatlarida poyezdlar harakati to‘xtatilishi munosabati bilan, yo‘lovchilar tashish uzluksizligini taʼminlash maqsadida, 1M-sonli “Chinor bekati – Quruvchilar bekati” oralig‘ida harakatlanuvchi avtobus yo‘nalishi harakati Qiyot metro bekatigacha uzaytiriladi. Ushbu yo‘nalishda harakatlanuvchi avtobuslar soni 5 ta etib belgilandi. Yo‘nalishda “King Long” rusumli 18 metrli avtobuslar tasarruf etiladi. Yo‘nalishdagi avtobuslar oraliq interval vaqti 10 daqiqa etib belgilandi. Yo‘nalish faqatgina metro bekatlarida yo‘lovchilarni avtobuslarga chiqarib tushirishni amalga oshiradi.

Maʼlumot uchun, hozirgi kunda, yerusti halqa metro yo‘nalishining Qiyot bekatidan Quruvchilar bekatigacha bo‘lgan oralig‘ida 2 ta (55, 130-sonli) avtobus yo‘nalishlari muntazam faoliyat yuritmoqda. Ushbu yo‘nalishlarda jami 22 ta "Yutong CNG" avtobuslari 10-12 daqiqalik oraliq interval bilan harakatlanadi. Metropoliten xizmatlaridan foydalanuvchi yo‘lovchilar 55, 130-sonli avtobus yo‘nalishlari xizmatlaridan ham foydalanishlari imkoniyati mavjudligini ma'lum qilamiz, deyiladi xabarda.

• Metro
• Toshkent
• Toshshahartrans