O‘zbekiston Respublikasi Vazirlar Mahkamasining “Toshkent shahar transporti va yo‘l-transport infratuzilmasini 2025-yilgacha rivojlantirish konsepsiyasini tasdiqlash to‘g‘risida”gi qarori loyihasi jamoatchilik muhokamasi uchun e’lon qilindi.

Hujjat loyihasida quyidagilarni tasdiqlash ko‘zda tutilgan:

- Toshkent shahar transporti va yo‘l-transport infratuzilmasini 2025-yilgacha rivojlantirish konsepsiyasi;
- Toshkent shahri yer usti yo‘lovchilar transportining yangi yo‘nalish tarmog‘ini 2022−2025 yillarda joriy etish dasturi;
- Shahar yo‘lovchilar transporti harakat tarkibini 2022−2025 yillarda yangi zamonaviy “yashil” avtobuslarni xarid qilish yo‘li bilan yangilash dasturi;
- Transport-o‘tish bog‘lamalarini 2022−2025 yillarda tashkil etish dasturi;Toshkent shahar transporti va yo‘l-transport infratuzilmasini 2025-yilgacha rivojlantirish konsepsiyasini 2022−2025 yillarda amalga oshirish bo‘yicha “Yo‘l xaritasi”.

Quyidagilar Konsepsiyaning asosiy maqsadlari etib belgilanmoqda:

- jamoat transporti ustuvorligi ta’minlangan holda transport infratuzilmasini rivojlantirish va aholining jamoat transportidan foydalanish darajasini oshirish;
- yo‘l harakatini tashkil etishni takomillashtirish va yo‘l-ko‘cha tarmog‘ining samaradorligini oshirish;
- transport tizimini raqamlashtirish bo‘yicha ilg‘or axborot texnologiyalarini joriy etish;
- yuk tashuvlari harakatini tartibga solish;
- piyoda va velosiped transporti infratuzilmasini rivojlantirish;
- transport tizimining atrof muhitga salbiy ta’sirini kamaytirish va shaharda ekologik holatni yaxshilash.

• Qaror
• Transport
• Vazirlik