Ertaga, 26-sentabrdan boshlab 12-Avtobus saroyi filialiga biriktirilgan 143-sonli “Toshkent imtixon markazi - Chilonzor MUM” avtobus yo‘nalishining harakati to‘g‘ri yo‘nalishda “Toshkent Index” savdo majmuasidan Sofdil, Qipchoq, M.Tursunzoda, Shokirariq, Yangi Sergeli yo‘li, Obihayot, Fayzli, Cho‘ponota, Bunyodkor shoh, Muqimiy, Chilonzor ko‘chalari orqali “Chilonzor MUM” bekatigacha, qaytish yo‘nalishida “Chilonzor MUM” bekatidan Chilonzor, Cho‘ponota, Fayzli, Obihayot, Yangi Sergeli yo‘li, Shokirariq, M.Tursunzoda, Qipchoq, Sofdil ko‘chalari orqali “Toshkent Index” savdo majmuasiga qadar harakatlanadi.

Bu haqda “Toshshahartransxizmat” aksiyadorlik jamiyati axborot xizmati xabar berdi.

Yo‘nalishning ish tartibi soat 6:00 dan 21:30 gacha etib belgilanib, yo‘nalish 143-sonli “Toshkent Index” savdo majmuasi - Chilonzor MUM deb nomlanganligini hamda yo‘nalishda jadvallar soni ISUZU rusumli avtobuslar ish kuni 7(+3) ta, shanba kuni 6(+3) ta, yakshanba kuni 3(+1) ta etib belgilandi.

• Avtobus
• Toshkent