Toshkent shahar YXHBB o‘tkazgan reyd davomida inson o‘limi bilan bog‘liq 2 ta YTH qayd etildi. Ulardan birida haydovchi piyodani urib yuborib, avtomobilini tashlab voqea joyidan qochib ketgan.

Aniqlanishicha, Toshkent shahar Yangihayot tumani Qipchoq ko‘chasida Nexia-2 haydovchisi tezlikni oshirib, piyodalar yo‘lakchasidan o‘tayotgan 2005-yilda tug‘ilgan piyodani urib yuborgan. Shundan so‘ng, haydovchi mashinani tashlab, o‘zi qochib ketgan. Piyoda esa shifoxonada vafot etgan. 

Bundan tashqari reyd davomida Mirzo Ulug‘bek tumanida Matiz avtomobilining boshqa avtomobil bilan to‘qnashib, YTH sodir etgani haqida ham xabar kelib tushgan. Oqibatda, Matiz’da bo‘lgan yo‘lovchi ayol voqea joyida vafot etgan. YTHda 4 nafar fuqaro tan jarohatlari bilan shifoxonaga olib ketilgan.

Hozirda mazkur holatlar yuzasidan surishtiruv va tekshiruv harakatlari olib borilmoqda.

• Toshkent
• YHXB
• YTH