Toshkent shahri Chilonzor tumani hududida joylashgan 60-son (63613, 63773 va 24358-son harbiy qismlar) harbiy shaharcha bino va inshootlari sotuvga qo‘yildi.

Davaktiv agentligi ma’lumotlariga ko‘ra, obyekt 27,86 gektar hududni egallagan bo‘lib, bino va inshootlar 1940-yilda qurilgan. Harbiy shaharcha auksionda narxni oshirib borish usulida sotiladi va boshlang‘ich narxi 204 mlrd 923,5 mln so‘m deb baholangan.

 Agentlik shuningdek, xaridorlar uchun muhim bo‘lgan ma’lumotlarni ham taqdim qilmoqda.

Unga ko‘ra, Soliq kodeksining 256-moddasiga asosan mazkur davlat mulki sotilganda ushbu mol-mulkni sotib olgan xaridor soliq agenti hisoblanadi (Obyektning baholash paytida QQS qo‘shib hisoblangan holatlar va Yakka tartibdagi tadbirkor bo‘lmagan jismoniy shaxslar bundan mustasno).

Ushbu obyekt bo‘yicha to‘lovlar muddati oldi-sotdi shartnomaga asosan belgilanadi.

Xaridor oldi-sotdi shartnomasi tuzilgan kundan boshlab bir oy ichida sotib olish to‘lovlarini to‘liq amalga oshirsa, sotib olish to‘lovlari summasidan oldi-sotdi shartnomasi tuzilgan sanadagi O‘zbekiston Respublikasi Markaziy bankining yillik qayta moliyalashtirish stavkasiga teng miqdorda chegirma beriladi.

Auksionda ishtirok etish uchun arizalar joriy yilning 11-dekabriga qadar qabul qilinadi.

• Auksion
• Davaktiv
• Harbiy