Ertaga, 19-sentabr kuni Toshkent shahrida kechga yaqin 5 ballik magnit bo‘ronlari bo‘lishi prognoz qilinmoqda. Bu haqda O‘zbekiston Fanlar akademiyasining Astronomiya instituti ma’lum qildi.

“Ertalab soat sakkizlarda magnit bo‘ronlari kuchsiz fazada bo‘ladi va tushdan keyin Kp indeksi 5-6 ballgacha ko‘tariladi. Bo‘ron kechga qadar davom etadi. Magnit bo‘ronlarining organizmga salbiy oqibatlarini yumshatish maqsadida, ovqatlanish ratsioniga baliq va ko‘kat mahsulotlarini kiritish, ko‘proq iste’mol qilish tavsiya etiladi.

Magnit bo‘ronlarining G3 darajasi kuzatilgan davrda ko‘pchilikda bosh qismining orqa tomonida biroz og‘rish kuzatiladi. Bu paytda shu kabi insonlarga kamroq harakat qilish hamda uyda ko‘proq o‘tirish tavsiya etiladi”, deydi Astronomiya instituti xodimi.

Ma’lum qilinishicha, magnit bo‘ronlari 3 soatlik muddat oralig‘ida davom etishi mumkin.

• Bosh miya
• Magnit bo‘ron
• Toshkent