Qayd etilishicha, hukumatning tegishli qaroriga asosan poytaxtdagi yoʻnalishlar tarmogʻi bosqichma-bosqich muqobillashtirib borilmoqda.

Poytaxt aholisining 36 foizi jamoat transportlaridan foydalanadi. Yaʼni, hozirda Toshkent shahrida 138 tasi avtobus yoʻnalishi mavjud. Bu haqida Toshkent shahar transport boshqarmasi matbuot xizmati xabar berdi.

Toshkent shahar aholisidan kelib tushayotgan koʻplab murojaatlar shahar transport boshqarmasi tomonidan oʻrganib chiqilgan. Natijada, yangi yoʻnalishlar tashkil etish uchun ehtiyojlar borligi aniqlanib, yoʻlovchilarga yanada qulaylik yaratish maqsadida 7 ta yangi avtobus yoʻnalish chizmasi ishlab chiqilgan.

Yangidan tashkil etilishi kutilayotgan avtobus yoʻnalishlari quyidagilar:

1. Mashinasozlar metro bekatidan Mirzo Ulugʻbek tumanidagi Barkamol mahallasigacha.

Yoʻnalish masofasi: 14,3 km

2. Chilonzor metro bekatidan Uchtepa tumanidagi Birlik mavzesigacha.

Yoʻnalish masofasi: 6,9 km

3. Sergeli tumanidagi 5-bekat metro bekatidan Yangihayot tumanidagi Gulzor mahallasigacha

Yoʻnalish masofasi: 16,4 km

4. Yashnobod tumanidagi Qoʻyliq dehqon bozoridan Yangihayot tumanidagi Gulzor mahallasigacha.

Yoʻnalish masofasi: 11 km

5. Sergeli tumanidagi 3-bekat metro bekatidan Yashnobod tumanidagi Moʻynoq koʻchasigacha.

Yoʻnalish masofasi: 8,3 km

6. Yunusobod dehqon bozoridan Yunusobod tumanidagi Tiklanish mahallasigacha.

Yoʻnalish masofasi: 5,8 km

7. Mirzo Ulugʻbek tumanidagi Eko bozordan Mirzo Ulugʻbek tumanidagi Ulugʻbek koʻchasigacha.

Yoʻnalish masofasi: 12,5 km

• Avtobus
• Vazirlik