Toshkent shahar hokimi Shavkat Umrzoqov iqtisodiyot tarmoqlari, ijtimoiy soha obyektlari va ko‘p xonadonli uy-joy fondini 2024-2025-yillar kuz-qish davrida barqaror ishlashga tayyorlash to‘g‘risidagi farmoyishni imzoladi.

Farmoyishda ko‘p kvartirali turarjoy fondini ta’mirlash uchun 58 milliard 930 million so‘m sarflanishi belgilangan. Shu sababdan quyidagi mablag‘lar ajratilmoqda:

— Issiqlik ijtimoiy soha obyektlarini mukammal va joriy ta’mirlashga 2 mlrd 793 mln so‘m;

— Issiqlik ta’minoti va asbob-uskunalarni barqaror ishlashga tayyorlashga 623 mlrd 848 mln so‘m;

— Ichimlik suvi obyektlariga 27 mlrd 208 mln so‘m;

— Elektr tarmoqlari va qurilmalarga 2 mlrd 996 mln so‘m;

— Gaz ta’minoti obyektlari va qurilmalariga 16 mlrd 846 mln so‘m;

— Ijtimoiy soha obyektlarini mukammal va joriy ta’mirlashga 2 mlrd 793 mln so‘m.

Farmoyishning 3-ilovasiga ko‘ra, kuz-qish mavsumiga tayyorgarlik uchun jami 732 mlrd 624,5 mln so‘m talab etiladi. Buning uchun respublika byudjetidan ajratiladigan mablag‘lar 2 mlrd 793 mln so‘mni tashkil etsa, BSK va korxonalar mablag‘lari 729 mlrd 830 mln so‘m miqdorida belgilangan.

• Qaror
• Qonun
• hokim