Ijtimoiy tarmoqlarda bir nechta fuqarolar o‘zaro janjallashganligi aks etgan video tarqalib, turli muhokamalarga sabab bo‘ldi. 

Toshkent shahar IIBBning mazkur holat yuzasidan ma'lumot berishicha, janjal joriy yilning 1-iyundan 2-iyun kuniga o‘tar kechasi Mirobod tumani, Qo‘yliq 4 dahasi hududida sodir bo‘lgan. 2005-yilda tug‘ilgan B.Sh. hamda 2003-yilda tug‘ilgan J.T. va 2004-yilda tug‘ilgan M.T.lar og‘zaki tortishib qolganligi sababli o‘zaro janjallashib ketganligi aniqlangan.

Mazkur holat yuzasidan Mirobod tumani IIO FMB tomonidan tergovga qadar tekshiruv o‘tkazilmoqda, yakuni bo‘yicha qonuniy qaror qabul qilinishi ta'minlanadi.

"Hurmatli ota-onalar! Farzandlaringizga har qanday muammoni o‘zaro kelishuv yo‘li bilan hal qilish mumkinligini, janjal-to‘polon bilan biror natijaga erishib bo‘lmasligini, sodir etilgan huquqbuzarlik uchun qonunda jazo choralari belgilanganligini tushuntirishingizni so‘raymiz", – deyiladi munosabatda.

• Janjal