Toshkent ekologiya boshqarmasi tomonidan 12-mart kuni o‘tkazilgan reydda noto‘g‘ri joylarda chiqindilarni tashlash bilan bog‘liq 16 ta qoidabuzarlik aniqlangan. Bu haqda ekologiya vazirligi matbuot xizmati ma’lum qildi.

Qoidabuzarlarga nisbatan ma’muriy javobgarlik to‘g‘risidagi Kodeksning 91.1-moddasi 1-qismi bo‘yicha protokollar tuzilgan. Jarimalar miqdori 11,375 mln so‘mni tashkil etdi.

Kodeksning 91.1-moddasida qattiq maishiy va qurilish chiqindilarini tashlash, shuningdek, noma’lum joyda suyuq chiqindilarni to‘kish uchun jarima summasi fuqarolar uchun 375 000 — 1 125 000 so‘mgacha, mansabdor shaxslar uchun 3,75-7,5 mln so‘mgacha.

• Chiqindi
• Ekologiya
• Jarima
• O‘zbekiston