Toshkent shahri Mirobod tumani Katta Mirobod mahallasi hududidagi daraxtlar sunʼiy ravishda quritilayotgani aniqlandi.

Toshkent shahar ekologiya boshqarmasining tasdiqlashicha, qurilish bo‘layotgan mazkur hududdagi daraxtlarning tagiga yoqilg‘i (solyarka) quyib quritmoqchi bo‘lishgan.

“Ayni paytda mazkur holat yuzasidan tezkorlik bilan ishchi guruhi tuzilib qayd etilgan manzilda atroflicha o‘rganish ishlari olib borildi. Olib borilgan o‘rganish ishlari natijasiga ko‘ra, mavjud daraxtlarni sunʼiy ravishda quritishga urinish o‘z tasdig‘ini topib, dastlabki surishtiruv ishlari boshlab yuborildi”, – deyiladi Ekoboshqarma xabarida.

Daraxtlarni saqlab qolish maqsadida ularning tagi ochilib, ularga suv va o‘g‘it berilgan.

• Ekologiya
• Toshkent
• daraxt