Shaharda milliylikni keng targ‘ib qilishga qaratilgan "Milliy Toshkent" loyihasi asosida amalga oshiriladigan ishlar yuzasidan chora-tadbirlar rejasi tasdiqlandi.

Milliy liboslar va milliylikni targ‘ibotini o‘z ichiga olgan “Milliy Toshkent” loyihasi amalga oshiriladi.  Bu haqda 21-yanvar kuni Toshkent shahar hokimi Shavkat Umurzoqov “Toshkent shahrida milliylikni keng targ‘ib qilishga doir qo‘shimcha chora-tadbirlar to‘g‘risida”gi qarorida nazarda tutiladi.

Qarorga ko‘ra, shahardagi davlat ishxonalari xodimlariga milliy liboslarda yurish tavsiya etildi. Toshkent shahrida milliylikni keng targ‘ib qilish bo‘yicha Toshkent shahar ishchi guruhi tuzilgan.  Shaharda milliylikni keng targ‘ib qilishga qaratilgan "Milliy Toshkent" loyihasi asosida amalga oshiriladigan ishlar yuzasidan chora-tadbirlar rejasi tasdiqlandi.

Shahar ishchi guruhining asosiy vazifalari etib quyidagilar belgilandi:

– milliy liboslar va milliylikni ommalashtirishga oid targ‘ibot materiallarini ishlab chiqish;

– korxona, muassasa va tashkilotlar hamda mahalla fuqarolar yig‘inlari bilan  hamkorlikni tashkil etish;

ommaviy tadbirlar davrida milliy liboslar va milliylikning mavqeini mustahkamlanishini ta’minlash;

– milliy liboslar ishlab chiqaruvchi tadbirkorlik subyektlarini qo‘llab-quvvatlash;

– mavzuga oid o‘quv-seminarlari, tanlovlar va boshqa tadbirlarni tashkil etish;

    – Shuningdek, qarorning bajarilishi yuzasidan doimiy nazoratni amalga oshirish.

• Toshkent