Toshkentning Yangihayot tumani “Yangi turmush” mahallasida “Megapolic Building” kompaniyasi tomonidan 2021-yilda foydalanishga topshirilgan yangi turar joy binosining tomida noqonuniy qurilish holati aniqlangan. Bu haqda O‘zbekiston Qurilish vazirligi matbuot xizmati ma’lum qildi.

Xabarda qayd etilishicha, mazkur uyga xizmat ko‘rsatuvchi boshqaruv tashkilotlarining bir necha bor ogohlantirishlari ham mulkdorlarni ushbu fikrdan qaytarmagan.

Mulkdorlarga nisbatan ma’muriy chora ko‘rilib, noqonuniy qurilmalarni 15 kun ichida bartaraf etish bo‘yicha ko‘rsatmalar berilmoqda. Ko‘rsatmalarga amal qilinmagan taqdirda, jinoiy javobgarlik belgilanadi.

• Qurilish vazirligi
• Uy-joy