Toshkentda ikki avtobus haydovchisi yo‘lovchi talashib, o‘zaro janjallashdi.

Qayd etilishicha, joriy yil 28-fevral kuni, soat 11:30 larda ushbu holat aks etgan video tasvirga olinib, ijtimoiy tarmoqqa joylashtirilgan.

Mazkur hodisa yuzasidan “Toshshahartransxizmat” Aksiyadorlik jamiyatining Harakat xavfsizligini nazorat qilish bo'limi xodimlari tomonidan tezkor surishtiruv ishlari o‘tkazilgan.

Qayd etilishicha, 1-Avtobus saroyi filiali tasarrufidagi, “Mercedes Benz LF” rusumli, (davlat raqami 01|129 VCA) hamda 28-sonli avtobus yo‘nalishi haydovchisi N.B hamda “Avtosantrans-servis” MChJga qarashli, “Isuzu” rusumli (davlat raqami 01|215 KCA) 155-sonli avtobus yo‘nalishi haydovchisi M.M. tomonidan sodir etilgani aniqlangan.

Jamiyatda yurish-turish qoidalarini qasddan mensimasdan, o‘zaro janjallashib, jamoat tartibini buzganliklari uchun haydovchi N.B va M.Mga nisbatan, Yashnobod tumani IIO FMB xodimlari tomonidan O‘zbekiston Respublikasi Maʼmuriy javobgarlik to‘g‘risidagi kodeksning 183-moddasi (“Mayda bezorilik”) bilan maʼmuriy bayonnoma rasmiylashtirilgan bo'lib, hujjatlar o'rnatilgan tartibda ko'rib chiqish uchun sudga taqdim etiladi.

• Avtobus